|
Un denk ich an morje
Em Kinderjaade fing et ahn, als Cowboy, Koch un Indianer
Dat mir als jecke Pänz Fosteloovendsinfizeet
Et jinge dann vell Johr vorbei, im Zoch,woren mir oft dabei
Und hück stonn mer he vür üch, kumm singt doch met uns met
Un denk ich an morje, weed mir net bang
Weil ich dich als Fründ gefungen han
Kumm, ich nemm dich ahn de Hand
Und jonn e Stück mit dir zesamme
Un du wees sin, dat Leeve es doch schön.
Jetzt es die Zick ens ahnzehalde
Un die Sorje affzeschalte
Beim Franz ens vun doheim verzälle
Wie et wohr un watt weed senn
uns weed klor, net nur in Much,
dat hück der Ein‘ der andere bruch
dröm kumm bei uns he en de Reih‘
kumm sing doch mit uns met.
Un denk ich an morje, weed mir net bang…..
Der Fastelovend, dat es klor
Is für alle Minsche do
Woher du küss und wat du bes‘
Für’m Herrjott sin mir he all jlich
uns weed klor, net nur in Much,
dat hück der Ein‘ der andere bruch
dröm kumm bei uns he en de Reih‘
kumm sing doch mit uns met.
Un denk ich an morje, weed mir net bang…..
Un he stonn mir jetz op de Bühn
su herrlich Jeck un Wunderschön
Die Welt hück op de Kopp zo Stelle
Im Mücher Karneval
uns weed klar, net nur in Much,
dat hück der Ein‘ der andere bruch
dröm kumm bei uns he en de Reih‘
kumm sing doch mit uns met.
Un denk ich an morje, weed mir net bang…..
©Text: Siebert/Bueth
|